June 2026

Limampung (50) bahay ang naabo sa sunog sa Pier 5, Barangay San Roque sa Navotas City.

Naapektuhan ng nasabing sunog na umabot ng task force alpha ang halos 80 pamilya na ini-evacuate muna sa San Roque National High School.

Ayon kay District Fire Marshal Wilberto Rico Neil Kwan Tiu, masyadong makipot ang daan, ang mga bahay ay gawa sa light materials, mga nagpapanic na residente at malakas na hangin ang mga dahilan nang mabilis na pagkalat ng apoy.

Tinatayang nasa P1.5 million pesos ang danyos sa naturang sunog na iniimbestigahan pa ng mga otoridad.

By  Judith Larino  

Nakatakda nang bumalik sa bansa ang 10 Pilipina na biktima ng trafficking sa Baghdad matapos mailigtas ng Philippine Embassy at Iraqi authorities.

Sinasabing ang mga nasabing Pinay ay pinag trabaho ng 12 oras sa buong linggo at binibigyan lamang ng 3 oras na day off kada linggo.

Mula naman sa ipinangakong 500 dollars na sahod, 300 dollars na lamang ang kanilang nakukuha at nababawasan pa ng 100 hanggang 5090 dollars dahil sa mga paglabag sa patakaran ng kumpanya gaya ng paninigarilyo.

Nagpasalamat naman ang Philipine Embassy sa Kurdistan regional government sa matagumpay na pag-rescue sa 10 Pinay, pag-aresto sa kanilang employer at pagpapasara sa pinagtatrababuhan ng mga Pilipino.

By Judith Larino 

Ilulunsad ng Land Transportation and Franchising Regulatory Board (LTFRB) ang isang mobile application ang upang mas mapaigting ang seguridad ng mga manlalakbay.

Ayon kay LTFRB Public Assistance and Complaint Desk Head Arnel Del Rio, ang ‘safe ride app’, na binuo ng Galileo Software Inc., ay magbibigay-daan upang mas mapabilis ang pag-uulat ng mga manlalakbay ng mga paglabag na kanilang mamamataan habang sila’y nasa biyahe.

Ani Del Rio, iuugnay ang app sa 24/7 hotline ng ahensiya. Kapag pumasok ang reklamo, awtomatiko itong lilikha ng reference number.

Kapag naghain ng reklamo, nakaprograma ang app na tanungin ang nagrereklamo kung nais nitong dumalo sa pagdinig.

Sa loob ng limang araw matapos matanggap ng inirereklamo ang utos, dapat aniyang ipaliwanag ng inirereklamo kung bakit hindi ito dapat parusahan sa mga paglabag.

By  Mariboy Ysibido  

Tinanggal na ng Department of Agriculture o DA ang temporary ban sa pag-aangkat ng poultry products mula sa Canada at Turkey.

Ito’y matapos makumpirma mula sa Global Animal Health authorities na wala nang bird flu virus sa mga naturang bansa.

Ayon kay Dr. Martine Dubuc, Chief Food Safety Officer ng Canadian Food Inspection Agency, nakontrol na ang avian influenza outbreak na tumama sa kanilang bansa.

Kinumpirma naman ni Dr. Irfan Erol, Director General ng Ministry of Food Agriculture and Livestock ng turkey na napuksa na rin ang avian virus na kumalat sa Ankara.

By Jelbert Perdez 

Asahan na ang usad-pagong na daloy ng trapiko sa mga lungsod ng Pasig at Quezon City ngayong weekend bunsod ng isinasagawang road reblocking at repair.

Ayon kay Metropolitan Manila Development Authority (MMDA) Chairman Emerson Carlos, nagsimula ang road works bandang alas-10:00 kagabi at matatapos ito dakong alas-5:00 ng umaga sa Lunes, Nobyembre 9.

Sa southbound, apektado sa pagkukumpuni ang Scout Borromeo at Timog Avenue o Service Road sa EDSA.

Sinabi ni Carlos na apektado rin ang ilang bahagi ng C-5 road sa northbound.

Dahil dito, pinapayuhan ang mga motorista na dumaan sa mga alternatibong ruta at umiwas sa mga naturang lugar.

By  Jelbert Perdez