29-15-20-34-37-30 (No Winner)
In any order
Jackpot Prize: Php 55,667,532.00
Tiniyak ng pamunuan ng Philippine National Police o PNP na ibibigay sa kanilang mga nakatalagang pulis ang pondong nakalaan para sa kanila.
Kasunod na rin ito ng naging usapin ng naipit na pondo sa kasagsagan ng pagbisita sa bansa ni Pope Francis noong Enero.
Ayon kay C/Supt. Wilben Mayor, tagapagsalita ng PNP, hindi pagkakaunawaan sa pagbibigay ng food allowance ang naging-ugat ng problema na ngayo’y nasolusyunan na ng PNP.
Bukod sa pagkain, binibigyan din ng gamot, hygiene at first aid kits gayundin ng pre-paid load ang mga nakatalagang pulis upang mabilis na matugunan ang kanilang mga pangangailangan.
By Jaymark Dagala | Allan Francisco
Nagdagsaan na ang daan-daang bakasyunista sa mga terminal ng bus sa bahagi ng Cubao, Quezon City bilang pagsisimula ng exodus o pag-uuwian sa mga lalawigan.
Sa paglilibot ng DWIZ patrol, tanghali pa lamang nang magsimulang mapuno ang mga bumibiyaheng bus na karamiha’y patungong norte.
Ayon sa ilang mananakay, kanila nang susulitin ang bakasyon hanggang sa Lunes ng susunod na linggo dahil mas nanaisin pa nilang manatili na lamang sa mga lalawigan kaysa magtiyaga sa matinding trapik sa Kamaynilaan.
Kapansin-pansin din ang pagkawala ng mga miyembro ng PNP Highway Patrol Group na siya sanang tutulong sa pagmamando ng trapiko sa mga kalsada gayundin ang pagtitiyak sa seguridad ng mga mananakay.
Una nang idineklarang holiday ng Malakaniyang ang Nobyembre 18 at 19 kasunod pa rin ng APEC Summit.
By Jaymark Dagala | Jill Resontoc (Patrol 7)
Umapela si Senadora Grace Poe sa kaniyang mga tunay na magulang na lumantad at lumapit sa kaniya.
Inihayag ito ng senadora sa harap na rin ng ginawang botohan ng Senate Electoral Tribunal hinggil sa reklamong disqualification laban sa kaniya.
Bagama’t hindi pa rin niya batid hanggang ngayon kung sino ang kaniyang mga magulang, sinabi ng senadora na nagpapasalamat siya dahil hinayaan siyang mabuhay.
Inihayag pa ng senadora na hindi lamang dahil sa kasong isinampa laban sa kaniya kundi sa kaniyang mga pinagdaraanan bilang ampon kaya niya hinahanap ang kaniyang mga tunay na magulang.
Sa kasalukuyan, tanging sina Susan Roces at ang yumaong Da King na si Fernando Poe Jr. ang kinikilala niyang mga magulang.
By Jaymark Dagala | Cely Bueno (Patrol 19)
Tumaas ng 4.3 percent cash ang remittances mula sa mga Pilipino sa ibayong dagat noong Setyembre taong kasalukuyan.
Ito’y kasunod ng pagsadsad sa 0.6 percent ng remittances ng mga Overseas Filipino Worker o OFW’s noong mga nakaraang buwan.
Sa datos ng Bangko Sentral ng Pilipinas o BSP, pumalo sa $2.20 billion ang cash remittances sa loob lamang ng 9 na buwan ngayong 2015.
Ayon sa BSP, mas mataas umano ito sa $2.11 billion na naitala sa kaparehong panahon noong isang taon.
Sinasabing karamihan sa mga nagpadala ay mula sa Amerika, Saudi Arabia, United Arab Emirates o UAE, Singapore, United Kingdom o UK, Japan, Hong Kong, at Canada.
By Jelbert Perdez
Mahigit 2.5 milyon katao na ang nagsilikas mula sa kanilang mga tahanan sa Africa.
Ayon kay United Nations Spokesman Stephane Dujarric, ito’y bunsod ng mga aktibidad ng Boko Haram sa Lake Chad Basin at gayundin ng counter-insurgency operations.
Sinasabing karamihan sa mga apektado ay ang mga mamamayan sa Nigeria, Cameroon, Chad at Niger.
Mahigit 1,000 paaralan na rin umano ang sinira ng Boko Haram ngayong taon.
By Jelbert Perdez
Sumalang na si Filipino-American Ray Parks sa laro ng Texas Legends sa NBA D-League Season.
Nanalo ang Legends laban sa Oklahoma City Blue sa score na 105-95 sa Cox Convention Center sa Oklahoma City.
Gayunman, kahit sumabak sa laro ng 11 minuto ay hindi naman naka-iskor si Parks.
Subalit, malaking ambag sa panalo ng Texas ang nagawa ni Parks na dalawang rebounds, isang assist, at isang steal.
Matatandaang naglaro si Parks ng tatlong season sa NU Bulldogs sa UAAP bago sumabak sa NU-Banco de Oro, NLEX Road Warriors at Hapee Fresh Fighters sa PBA D-League.
By Jelbert Perdez
Masyado pang maaga para hatulan kung labis nga ba ang P10 bilyong pisong inilaan at ginastos ng gobyerno para sa pagdaraos ng APEC Summit sa bansa.
Ayon kay Senador Francis Escudero, hindi ngayon ang tamang panahon para magkuwentahan at pumuna dahil sa ngayon pa lamang nagdadatingan ang iba’t ibang lider ng mga bansang kasapi ng APEC.
Pagtitiyak ni Escudero, magpapalabas siya ng post-APEC assessment upang malaman kung tama ba o hindi ang naging paggastos sa nasabing pondo.
Sa ngayon pa lamang aniya, kaliwa’t kanang batikos na ang inaabot sa pondong inilaan ng gobyerno para sa APEC dahil maraming proyekto at serbisyo na sana ang maaaring paggamitan nito.
By Jaymark Dagala | Cely Bueno (Patrol 19)
Itinuturing na tagumpay ng kampo ni Senadora Grace Poe ang pagbabasura ng Senate Electoral Tribunal (SET) sa disqualification case na inihain laban sa senadora.
Kasunod ito ng naging resulta ng botohan ng SET kung saan nakuha ng senadora ang paborableng desisyon sa botong 5-4 ng mga miyembro nito.
Ayon kay Valenzuela Mayor Rex Gatchalian, tagapagsalita ni Poe, malinaw ang itinatadhana ng international law hinggil sa foundlings o ampon.
“The law is on their side, paulit-ulit naming sinasabi na kung titignan niyo yung framework ng 1935 constitution, sinabi nila na ang international na mga batas na umiiral hinggil sa pagtrato sa hinggil na pagtrato sa nasyonalidad ng mga foundlings yun din ang umiiral dito sa ating bansa.” Ani Gatchalian.
Giit pa ni Gatchalian na sa kanilang tingin, sapat at katanggap-tanggap ang mga inihain nilang ebidensyang nagpapatunay na natural born citizen ang senadora at nakasunod ito sa lahat ng itinatakda ng batas para tumakbo sa pampublikong tanggapan.
“We know that we’re on all force pagdating sa argumentong ligal sa citizenship ganun na din sa sa residency ni Senator Poe.” Pahayag ni Gatchalian.
By Jaymark Dagala | Karambola
Ibinasura ng mayorya ng Senate Electoral Tribunal o SET ang disqualification case laban kay Senator Grace Poe.
Sa botong 5-4, limang senador ang pumabor sa pagbasura sa reklamo ni Rizalito David habang 4 naman ang bumoto para i-disqualify si Poe.
Kabilang sa mga pumanig kay Poe ay ang mga kapwa niya senador na sina Tito Sotto, Pia Cayetano, Loren Legarda, Cynthia Villar, at Bam Aquino.
Ang mga bumoto naman pabor sa petisyon ay sina Supreme Court Senior Justice Antonio Carpio, Associate Justice Teresita Leonardo-de Castro, Associate Justice Arturo Brion, Senator Nancy Binay.
Una nang inihayag ng kampo ni David sa pamamagitan ni Atty. Manuelito Luna na maaari pang magsampa ng petition for certiorari sa Korte Suprema ang sino mang matatalo sa naturang usapin.
By Jelbert Perdez | Cely Bueno (Patrol 19)