Sa #SiyasatExpress, paano pinaghandaan ng Pilipinas ang APEC Summit?
Listen To Siyasat Express Part 1
Listen To Siyasat Express Part 2
Pinasali sa ensayo ng Gilas Pilipinas si Talk n’ Text rookie Moala Tautuaa.
Si Tautuaa ay pansamantalang ipinalit kay naturalized player Andray Blatche.
Ayon kay Gilas Coach Tab Baldwin, magsisilbing back up lamang si Tautuaa sakaling hindi payagang makasali si Blatche sa FIBA Olympic qualifying rounds sa susunod na taon.
Nagpasalamat si Baldwin kay Tuatuaa na kaagad tumugon sa kaniyang tawag samantalang natuwa rin ang Fil Tonggan player dahil nakasama niya ang mga dating kasamahan sa Gilas team mates sa Williams Jones Cup .
By Judith Larino
Patay ang 11 Pilipino at sugatan ang iba pa nang sumalpok ang coaster na sinasakyan ng mga ito sa delivery truck sa Al Ahsa sa Saudi Arabia.
Bagamat hindi pa kinukumpirma ng Philippine Embassy ang nasabing report, ipinabatid ng source na lahat ng sakay ng coaster ay pawang Pinoy electricians na nagtatrabaho sa isang engineering company.
Tinukoy naman sa Saudi Arabia news site na Almowaten na Asians ang mga nasawi sa nasabing aksidente na nangyari habang pauwi na ang mga biktima mula sa kanilang trabaho.
By Judith Larino
Nangako si Russian President Vladimir Putin na hahanapin at mananagot sa batas ang mga responsable sa pagpapasabog sa Russian Airliner sa Egypt.
Palalakasin pa ng Russia ang mga air strikes nito kontra sa mga militants sa Syria, matapos kumpirmahin ng kremlin na bomba nga ang nagpabagsak sa Russian Airliner na kumitil 224 na pasahero nito noong isang buwan.
Ipinag-utos na ni Putin sa Russian Navy sa Eastern Mediterranean na i-coordinate ang mga aksyon nito sa karagatan at himpapawid sa French Navy, matapos gumamit ng mga long-range bombers at cruise missiles sa Syria ng Kremlin at ianunsyo na palalawigin pa nito sa 37 ang mga strike force plane.
By Mariboy Ysibido
Itinuturing nang matagumpay ng Department of Foreign Affairs (DFA) at Department of Trade and Industry (DTI) ang isasagawa pa lamang na APEC Summit sa bansa simula ngayong araw na ito.
Kapwa binigyang diin nina DFA Secretary Albert del Rosario at DTI Secretary Gregory Domingo na malaking achievement na ang pagsusulong ng konsepto ng quality growth sa pagitan ng mga miyembro ng APEC.
Kasunod na rin ito nang pakikipag-pulong nina Del Rosario at Domingo sa kanilang counterpart na bumibisita rin sa Pilipinas para sa APEC Summit.
Sinabi ni Del Rosario na nakarating na ang malaking bilang ng economic leaders at maayos naman ang naging biyahe ng lahat.
By Judith Larino
Iaapela sa Korte Suprema ni Rizalito David ang desisyon ng Senate Electoral Tribunal (SET) makaraang ibasura nito ang disqualification case na isinampa niya laban kay Senador Grace Poe.
Ayon kay David, itinuturing pa rin niya itong major victory dahil tatlong justices ng kataas-taasang hukuman ang bumoto pabor sa disqualification ni Poe bilang nanalong senador noong 2013 elections dahil sa isyu ng kanyang citizenship.
Kinabibilangan ito nina Associate Justices Antonio Carpio, Teresita Leonardo-De Castro at Arturo Brion.
Iginiit ni David na malinaw na mayroong political accommodation makaraang 5 senador ang bumoto pabor sa pagbasura sa petisyon na kinabibilangan nina Senators Vicente “Tito” Sotto III, Loren Legarda, Bam Aquino, Cynthia Villar at Pia Cayetano.
By Meann Tanbio
Paulit-ulit na humihingi ng paumanhin at pang-unawa ang Malakanyang sa publiko dahil sa kalbaryong hatid ng APEC Summit.
Binigyang-diin ni Presidential Communications Group Secretary Sonny Coloma na ginagawa lamang ng gobyerno ang pangseguridad na aksyon upang ligtas ang mga lider ng bansa, delegado ng APEC kasama na ang international media na dumadalo sa APEC Summit.
Naiintindihan ng Palasyo ang sakripisyo ng mamamayan na apektado ng APEC na naging dahilan na maglakad ang karamihan patungko sa kanilang desitinasyon malapit sa APEC venues.
Sinabi ni Coloma na sana ay maintindihan ng publiko ang kahalagahan ng pagpupulong ng mga lider ng bansa dahil maghahatid naman aniya ito ng benepisyo para sa lahat.
By Meann Tanbio | Aileen Taliping (Patrol 23)
Umakyat pa sa P1.2 bilyong piso ang lugi ng mga airline company dahil sa kanselasyon ng mahigit 1,000 flights bilang security measures para sa APEC 2015 Economic Leaders Meeting.
Sa panig ng Philippine Airlines, nasa P860 million pesos na ang lugi habang nasa P400 million pesos sa Cebu Pacific.
Gayunman, inihayag ng pal at Cebu Pacific na maaari namang ipa-rebook ng mga apektadong pasahero kung kompirmado na ang kanilang mga flight simula noong November 16 hanggang 17 nang walang babayarang rebooking at penalty charges.
Nananatiling sarado ang runway ng Ninoy Aquino International Airport simula noong Lunes hanggang Biyernes para sa pagdating at pag-alis ng mga APEC leader.
By Drew Nacino | Karambola
Nadagdagan pa ang mga kalsadang isinara para sa APEC Summit.
Ayon sa Metropolitan Manila Development Authority (MMDA), kabilang sa mga ito ang mga sumusunod:
* Edsa Buendia (southbound)
* Skyway Mula Nichols / Sales hanggang Magallanes (both directions)
* MIA/NAIA road (both directions)
* Roxas Blvd. (both directions)
* approaching Splot Edsa Magallanes (both directions)
* Ayala hanggang Edsa extension (both directions)
* Ayala tunnel (both directions)
* buong stretch of Magallanes Interchange (both directions)
* Airport Road (both directions)
* Domestic Road (both directions)
* Quirino Ave. (both directions).
Bunsod nito, nag-abiso ang MMDA na asahan na ang mabigat na trapiko sa paligid ng mga nabanggit na lugar.
By Meann Tanbio
02-33-20-12-15-16 (No Winner)
In any order
Jackpot Prize: Php 30 Million