Monthly Archives

June 2026

UK handa na ring sumali sa pag-atake vs Islamic State sa Syria

Nanindigan si Prime Minister David Cameron ng United Kingdom na panahon na para sumali na rin ang UK sa airstrikes kontra Islamic State sa Syria.

Ayon kay Cameron, handa na ang maraming Briton na pumasok sa isa pang digmaan sa Middle East matapos ang western intervention sa Iraq, Afghanistan at Libya kung saan nabigong magkaroon ng stability sa rehiyon.

Nabatid na bigo si Cameron na maglunsad ng airstrikes laban sa puwersa ni Syrian President Bashar Al-Assad noong 2013.

Kailangan na himukin ng Prime Minister ang mga miyembro ng kanyang conservative party at opposition labour party para suportahan siya kung makukuha niya ang loob ng parliament para sa military action.

By Mariboy Ysibido

November 27, 2015 0 comment

NATIONAL NEWS

Shellfish ban ipinatutupad sa 14 lalawigan

written by DWIZ 882

Nagpatupad ang Bureau of Fisheries and Aquatic Resources o BFAR ng shellfish ban sa 14 na lalawigan.

Ayon kay BFAR Director Atty. Asis Perez, kabilang sa mga baybaying dagat na nagpositibo sa red tide toxins ang Gigantes Islands sa Carles, Iloilo; Balite Bay sa Mati, Davao Oriental; baybaying dagat ng bayan ng Dauis sa Bohol; Milagros Masbate; Daram Island sa Daram; Irong-Irong Bay; Cambatutay Bay sa Western Samar; Carigara Bay sa Leyte; coastal water ng Pilar at Sapian Bay sa Capiz; coastal water area Altavas, Batan at New Washington sa Batan Bay, Aklan; at coastal water ng Naval Biliran Island Province.

Sinabi ng BFAR na mahigpit na ipagbabawal ang pagbebenta ng alamang sa mga pamilihan na mula sa mga apektadong lalawigan.

Kasabay nito, nanawagan si Perez sa mga lokal na pamahalaan ng mga nabanggit na lalawigan na tulungan silang maipalaganap ang impormasyon na ipinagbabawal ang mag-ani, magbenta at kumain ng mga shellfish gaya ng tahong, talaba, tulya, at mga kaugnay na shellfish.

Habang ang mga isda, pusit, hipon, alimasag at alimango ay maaaring kainin pero kailangang malinis at malutong maigi.

By Meann Tanbio | Monchet Laranio

November 27, 2015 0 comment

NATIONAL NEWS

Pondo para sa taas sahod nakapaloob na sa 2016 budget

written by DWIZ 882

Nakapaloob na sa 2016 national budget ang P57 bilyong pondo na ilalaan sa implementasyon ng Salary Standardization Law.

Ayon kay Senate President Franklin Drilon, kailangang maipatupad pagsapit ng buwan ng Enero ang dagdag sahod ng mga kawani ng gobyerno.

Sinabi ni Drilon na sisikapin nilang maaprubahan ang SSL-4 bago matapos ang taon.

By Meann Tanbio | Cely Bueno (Patrol 19)

November 27, 2015 0 comment

HEADLINES

Tambalang Duterte-Cayetano sa 2016 elections isinapinal na

written by DWIZ 882

Pinal nang idineklara ni Davao City Mayor Rodrigo Duterte na si Senador Allan Peter Cayetano ang kanyang magiging running mate sa 2016 Presidential elections.

Ang anunsyong ito ay ginawa ni Duterte sa gitna na rin ng binitiwang pahayag ni Senador Bongbong Marcos na mayroong pag-uusap sa pagitan niya at ng alkalde.

Iginiit pa ni Duterte na hindi sila nag-uusap ni Marcos lalo pa’t una nang napabalita na ito ang running mate ni Senador Miriam Defensor Santiago.

Samantala, target ni Duterte na maging substitute candidate ng PDP-Laban.

By Meann Tanbio

November 27, 2015 0 comment

HEADLINES

Claim sa West PH Sea iginiit ng Pilipinas sa ikalawang araw ng pagdinig vs China

written by DWIZ 882

Umarangkada na ang ikalawang araw ng pagdinig hinggil sa isinampang kaso ng Pilipinas laban sa China sa The Hague, Netherlands kaugnay sa territorial dispute sa West Philippine Sea.

Ayon kay Department of Foreign Affairs (DFA) Assistant Secretary Charles Jose, sumentro ang pagdinig sa pagkakait ng China sa bansa na makapangisda sa teritoryong sakop ng nine dash line claim nito.

Tinalakay rin aniya ang pangingialam ng China sa soberanya ng Pilipinas at sa karapatan ng bansa alinsunod sa isinasaad ng UNCLOS kaugnay ng exclusive economic zone.

Sinabi rin ni Jose na pinag-usapan din sa pagdinig ang fishing ban sa teritoryo na ipinatupad ng China’s Ministry of Agriculture kahit na sakop naman ito ng exclusive economic zone ng bansa.

Iprinisinta rin sa naturang pagdinig ang testimonya ng mga mangingisdang Pinoy bilang patunay ng panghihimasok ng Tsina sa pangingisda ng ating mga kababayan partikular sa Bajo de Masinloc o Scarborough Shoal.

Una rito, tinuligsa ng Pilipinas ang patuloy na reclamation at construction activities sa West Philippine Sea at nanindigan ang bansa na nilabag ng China ang karapatan sa soberanya ng Pilipinas kaugnay ng mga living at non-living resources sa exclusive economic zone at continental shelf nito.

By Meann Tanbio | Allan Francisco

Photo Credit: gov.ph

November 27, 2015 0 comment

HEADLINES

8 umanong ISIS supporter patay sa engkwentro sa Sultan Kudarat

written by DWIZ 882

Patay ang walong (8) miyembro ng isang armadong grupo sa engkwentro sa Palimbang, Sultan Kudarat.

Ang grupong Ansar Khalifa Philippines ay sinasabing may kaugnayan sa ISIS.

Sa inisyal na ulat, sinabi ni AFP Western Mindanao Command Spokesman Major Felimon tan, tinambangan ng armadong grupo ang mga tauhan ng Philippine Marines sa barangay Putril Pasado alas-6:00 kahapon ng umaga.

Tumagal ng kalahating oras ang palitan ng putok ng dalawang panig.

Ipinabatid ni Tan na nakarekober sila ng limang bandera ng ISIS at dokumento mula sa mga napatay.

Iginiit pa ng opisyal na hindi naman kinikilala ng ISIS ang grupo dahil wala pang sapat na puwersa ang mga ito ngunit hindi pa nila natutukoy kung may kaugnayan ang mga napatay sa Abu Sayyaf Group at Bangsamoro Islamic Freedom Fighters o BIFF.

“Actually we are trying to establish that kung saang grupo sila nakikipag-link, sa ngayon itong grupong ito na Ansar Al-Khalifa Philippines ay parang sumulpot na grupo na gustong magpakilala under ISIS kaya siguro nagkaroon sila ng bandera ng ISIS ngunit wala kaming nakikitang koneksyon talaga sa mismong ISIS, yung link po.” Pahayag ni Tan.

***

Samantala, tukoy na ang pagkakakilanlan ng isa sa walong napatay na terorista sa Palimbang, Sultan Kudarat, kahapon.

Kinumpirma ni AFP-Western Mindanao Command Spokesman, Major Filemon Tan Junior na ang Indonesian na si Ibrahim Alih, alyas Abdul Fatah ang isa sa mga nasawi.

Si Alih ay isa sa mga suspek sa October 12, 2002 Bali bombing sa Indonesia at dating miyembro ng Jemaah Islamiyah.

Ang walo anya ay kabilang sa grupong Ansar Al Khalifa, na isa umano sa mga ISIS terror cell na nag-ooperate sa iba’t ibang bahagi ng Mindanao.

Samantala, tatlong Syrian members ng ISIS ang nakapasok na umano sa Pilipinas at umanib na sa Khalifa.
By Meann Tanbio | Ratsada Balita | Drew Nacino

November 27, 2015 0 comment

HEADLINES

Panukalang 2016 national budget lusot na sa senado

written by DWIZ 882

Lusot na sa third and final reading sa senado ang 2016 national budget na umaabot sa mahigit P3 trilyong piso.

Labing-apat na senador ang pumabor sa panukala na kinabibilangan nina Senate President Franklin Drilon, Senators Loren Legarda, Ralph Recto, Grace Poe, Francis Escudero, Sergio Osmeña, Pia Cayetano, JV Ejercito, Teofisto “TG” Guingona III, Antonio Trillanes IV, Bam Aquino, Nancy Binay, Vicente “Tito” Sotto III, at Minority Leader Juan Ponce Enrile.

Habang tumutol naman si Senador Koko Pimentel.

Nauna nang inihayag ni Senate President Franklin Drilon na matapos ang bicameral conference committee sa national budget sa Disyembre 4 at mararatipikahan ang bicam report sa pagitan ng December 7 hanggang 11.

Ayon kay Drilon, inaasahang maisusumite kay Pangulong Noynoy Aquino ang bicam report sa December 14 at mabigyan ng sampung araw na rebyuhin ang budget at mai-veto ng Pangulo ang mga line item na gusto nito.

Bicam

Binuo na ang magiging miyembro ng bicam panel na siyang haharap sa bicameral conference committee hearing.

Ito ay para mai-reconcile ang mga disagreeing provisions sa naaprubahang bersyon ng 2016 national budget sa senado at kamara.

Sa panig ng senado, bahagi ng bicam panel sina Senate Committee on Finance Chairman Loren Legarda kasama sina Senador Sonny Angara, Bam Aquino, Serge Osmeña, Cynthia Villar at TG Guingona at si Senador Ralph Recto sa panig ng majority.

Habang sina Senador Juan Ponce Enrile at Tito Sotto ang kakatawan sa minority.

By Meann Tanbio | Cely Bueno (Patrol 19)

November 27, 2015 0 comment

ENTERTAINMENT

‘A Second Chance’ tumabo na ng P43.3-M sa unang araw nito sa takilya

written by DWIZ 882

Tumabo agad ng P43.3 million pesos ang pelikulang A Second Chance nina John Lloyd Cruz bilang Popoy at Bea Alonzo bilang Basha sa unang araw nito sa takilya.

Ayon sa Star Cinema, magdadagdag pa sila ng midnight screenings dahil sa dami ng gusto ng manood ng gabi.

Dahil dito, hawak na ng A Second Chance ang record bilang highest grossing non-Metro Manila Film Festival Filipino movie sa unang araw nito sa mga sinehan.

Pinasalamatan naman ni John Lloyd ang mga tumangkilik sa A Second Chance at hinimok ang mga hindi nakakapanood na panoorin ang sequel ng One More Chance.

By Ralph Obina

November 27, 2015 0 comment

NATIONAL NEWS

Caroling sa mga kalsada sa Metro Manila planong ipagbawal ng DSWD

written by DWIZ 882

Itinutulak ngayon ng Department of Social Welfare and Development (DSWD) ang pagbabawal ng caroling sa mga kalsada sa Metro Manila.

Ayon kay DSWD Director Alicia Bonoan, layon nitong maiwasan ang pangangaroling sa mga dumadaang sasakyan ng mga bata kung saan ay nalalagay sa alanganin ang kanilang mga kaligtasan.

Sinabi ni Bonoan na hindi kalye ang lugar sa mga bata at hindi aniya natin alam na baka may mangyari sa mga ito o di kaya ay ikamatay pa ng mga ito ang pangangaroling sa kalsada.

Kaugnay nito, nanawagan ng tulong DSWD sa mga lokal na pamahalaan para suportahan ang metrowide ban sa pangangaroling sa mga lansangan.

By Ralph Obina

November 26, 2015 0 comment

NATIONAL NEWS

Señeres naglatag ng mga kondisyon para magpa-substitute kay Duterte

written by DWIZ 882

Handang magpa-substitute si OFW Partylist Representative Roy Señeres kay Davao City Mayor Rodrigo Duterte para sa pagkapangulo sa 2016 elections.

Naglatag si Señeres ng tatlong kondisyon para pumayag na palitan siya ni Duterte.

Ito aniya ay kung maipapangako ni Duterte na titigilan na nito ang pag-upak kay Senadora Grace Poe sa isyu ng citizenship nito.

Pangalawa ay dapat aniyang maging pro-life na si Duterte at hindi na pro-death.

Huling kundisyon naman ni Señeres ay dapat na isulong ni Duterte ang kapakanan ng mga Overseas Filipino Workers (OFWs).

Matatandaang may ilang election expert ang nagsasabing hindi kasi maaaring magsubstitute si Duterte kay Martin Diño ng PDP -Laban dahil sa umatras na ito bago pa man aksyunan ng COMELEC ang kaso nito.

By Ralph Obina

November 26, 2015 0 comment

Newer Posts

Older Posts