Isinailalim sa restrictive custody ang nasa 20 Pulis dahil umano sa pagkakasangkot ng mga ito sa pagkamatay ng ilang high profile inmates sa loob ng New Bilibib Prison (NBP).
Sinabi ni National Capital Region Police Office (NCRPO) chief Major Gen. Jonnel Estomo na inalis sa puwesto ang mga nabanggit na Pulis habang dinidinig pa ang kanilang mga kasong administratibo.
Nabanggit naman ni BuCor acting Dir. Gen. Gregorio Catapang Jr. na nakatanggap siya ng impormasyon na ang unang naiulat na nasawi dahil umano sa Covid-19 ay isang convicted drug dealer na sadya umanong pinatay sa Site Harry.
Bukod pa rito ay ilan pang high profile inmates ang naiulat na nasawi dahil sa nakahahawang sakit.
Ito ay sina Jaybee Sebastian, Francis Go, Zhang Zhu Li, Amin Boratong, Willy Yang, Jimmy Kinsing Hung, Ryan Ong at Benjamin Marcelo.
Sa ngayon ay pinagdududahan na ang naturang pagakamatay ng mga nabanggit at kasalukuyang pinaiimbestigahan ng mga otoridad. —sa panulat ni Hannah Oledan
