Pinalaya na ng New People’s Army o NPA ang dalawa (2) sa mga bihag nitong sundalo.
Ang mga biktimang sina Sgt. Solaiman Calocop at Private First Class Samuel Garay na kapwa miyembro ng 39th Infantry Battalion ay sinundo mismo ng Crisis Management Committee sa Sultan Kudarat matapos bihagin ng rebeldeng grupo noong Pebrero.
Ayon kay Sultan Kudarat Police Provincial Office Director Senior Superintendent Raul Supiter, nasa bayan na ng Columbio ang mga pinalayang sundalo at nasa mabuting kondisyon.
Nakatakda namang isalalang ang mga ito sa debriefing bago payagang makauwi sa kanilang mga pamilya.
By Ralph Obina
