Nakatakdang dumating sa bansa ang 2 barko ng Indian Navy para sa 4 na araw na good will visit.
Ayon sa Philippine Navy, inaasahang dadaong sa South Harbor sa Maynila ngayong umaga ang 2 Indian navy ship at mananatili sa bansa hanggang October 26.
Sinabi ni Philippine Navy Public Affairs acting Director Lt. Commander Maria Christina Roxas, layon ng pagbisita ng Indian navy ang mapalakas pa ang relasyon at Naval Diplomacy ng 2 bansa.
Dagdag ni Roxas, maganda rin aniya itong pagkakataon na halos kasabay ng naging pagbisita ng Presidente ng India noong nakaraang linggo.
Ilan naman sa nakatakdang aktibidad sa pagbisita ng Indian navy ship ang goodwill games, paglilibot sa 2 barko at courtesy call kay Philippine Fleet Commander Rear Admiral Giovanni Carlo Bacordo.
