Kinumpirma ng Department Of Health ang 2 bagong kaso ng Zika Virus.
Ayon kay Health Undersecretary Gerardo Bayugo, isang babae at isang batang lalaki sa Cavite ang nagka-Zika.
Sinabi naman ni Bureau of Local Health systems development Director Eric Tayag, magsasagawa pa sila ng mga kaukulang pagsusuri sa 2 bagong kaso ng Zika.
Sa kasalukuyan, 19 na kaso ng Zika Virus ang naitatala na sa buong Pilipinas.
Kaya naman humingi na ng tulong ang DOH sa mga lokal na pamahalaan para sa kampanya laban sa Zika.
Maliban sa pagbibigay ng mga insecticide at mga fogging machine sa mga Zika hotspot sa bansa, maglalaan din ng pondo ang DOH para sa mga laboratory tests equipment.
By: Avee Devierte
