Dalawa pang appointment ang ikinasa ng Pangulong Rodrigo Duterte.
Kabilang dito sina dating Miss Universe Margie Moran Floirendo at Retired Police Director Benjamin Magalong.
Si Floirendo ay itinalagang miyembro ng Board of Trustees ng Cultural Center of the Philippines o CCP na pupunan ang posisyon ni Danilo Dolor hanggang June 30, 2018.
Samantala, si Magalong na huling nagsilbi bilang Deputy Chief for Operations sa Philippine National Police o PNP ay itinalaga ng Pangulo bilang Director sa Board ng Philippine National Oil Company o PNOC.
Pupunan naman ni Magalong ang naiwang puwesto ni Bruce Concepcion hanggang June 30, 2018.
—-
