Pumalo na sa 2.1 milyong bagong botante ang nakapagparehistro na para sa barangay at Sangguniang Kabataan eleksyon sa December 5.
Ayon kay Comelec Spokesperson Rex Laudiangco nasa kabuuang 2,119,878 sign-ups hanggang sa ika-15 araw ng pagpapatuloy ng voter registration.
Aniya, hindi bababa sa 1,326,415 sa mga bagong rehistro ay nasa edad 15 hanggang 17, habang 680,497 na bagong rehistro ay 18 hanggang 30 taong gulang, at hindi bababa sa 112,966 na bagong rehistro ay nasa edad 31 pataas.
Samantala, nakatakdang matapos ang voter registration bukas, July 23.
