Patay ang labing walo (18) katao sa panibagong lindol sa mabundok na bahagi ng Southern Highlands sa Papua New Guinea.
Naitala ang sentro ng nasabing magnitude 6.7 na lindol sa 31 kilometro timog kanluran sa epicenter nang naunang magnitude 7.5 na lindol noong isang linggo na ikinasawi ng mahigit limampu (50) katao.
Ang naturang lindol ay itinuturing na pinakamatinding aftershocks na tumama sa nasabing area.
Sinabi ng Hela Province Administrator na posibleng madagdagan pa ang death toll dahil hindi pa nila nararating ang isang village doon na maraming residente.
Nagkakaroon ng problema ang rescue efforts dahil hirap ang mga rescuers na maabot ang highlands lalo na’t wasak na wasak ang mga daanan.
—-
