Labing limang (15) miyembro ng NPA o New People’s Army ang patay sa nangyaring engkwentro sa pagitan ng militar at rebeldeng grupo sa Cagayan noong Biyernes.
Ayon kay Police Regional Director Chief Supt. Eliseo Rasco, nangyari ang bakbakan sa liblib na barangay ng Balani sa Bayan ng Sto. Niño sa gitna ng hot pursuit operation ng militar sa nangyaring ambush sa nasabi ring bayan.
Sugatan din sa naturang engkwentro ang limang (5) sundalo.
Samantala, patay naman ang dalawang (2) sundalo matapos na tambangan ng NPA sa Echague, Isabela.
Ayon sa Armed Forces of the Philippines (AFP), nasawi sina Corporal Daryl Camangeg at Virgillio Herrera, miyembro ng 5th Infantry Divison ng Philippine Army matapos na paulanan ng bala ng mga rebelde.
Nakasakay ng motorsiklo ang dalawa na magsisilbi sanang advance party sa isang meeting na nagtataguyod ng kapayapaan at kaayusan sa naturang bayan.
By Rianne Briones
