Binalaan ng Pangulong Rodrigo Duterte si bagong Iloilo City Mayor Jose Espinosa III kaugnay sa pagkakasangkot sa iligal na droga.
Kasunod na din ito ng paghaharap nina Pangulong Duterte at Espinosa sa Malakanyang noong Biyernes.
Inungkat ni Espinosa sa Pangulo ang tungkol sa napaslang na drug lord na si Melvin Odicta.
Kasabay nito, personal na ipinaabot ni Espinosa ang imbitasyon sa Pangulo para sa 50th Dinagyang Festival sa Iloilo City sa Enero 2018.
Sinabi ni Espinosa na natutuwa siya sa magandang pagtanggap sa kanya ng Pangulo sa kabila ng tingin nito sa Iloilo City bilang bedrock of illegal drugs at most shabulized city.
Si Espinosa ang pumalit sa nasibak sa puwesto na si dating Mayor Jed Patrick Mabilog na tinukoy ni Pangulong Duterte bilang drug protector.
