Nasunog ang nasa 100 bahay sa isang residential area sa Sitio Avocado sa Barangay Lahug, Cebu city.
Ayon sa mga otoridad, nagsimula ang sunog sa natumbang kandila sa bahay ng isang Rose Marie Villarin pasado 6:00 ng gabi kahapon.
Nahirapan ang mga bumbero na sugpuin ang apoy dahil sa masikip na daanan.
Umabot sa task force Bravo ang sunog na naapula naman sa loob ng isang oras.
Batay sa tala ng mga otoridad, umabot sa P3 Million ang pinsalang idinulot ng sunog pero wala namang naitalang nasugatan.
By: Allan Francisco
