Naghain ng resolusyon si Senador Grace Poe na naglalayong ipasuspinde ang 100% pagpapatupad ng cashless transaction sa mga tollways plaza dahil sa aberyang nararanasan ng mga motorista sa RFID system.
Ayon sa senadora, hindi kailangan magdusa ng taumbayan habang nagbabakbakan ang operator at local government.
Sinabi rin ni Poe, Chairperson ng Senate Committee on Public Services
Na ipatatawag din niya si Transportation Secretary Arthur Tugade para harapin ang mga problemang sa RFID na inirereklamo na rin ng ilang lokal na opisyal.
Bukod sa mga aberya, nais din malaman ng senadora kung bakit 500 ang hinihinging minimum load ng ilang toll operator sa mga nagpapakabit ng RFID.
