Panahon na upang wakasan ang paghahasik ng karahasan ng grupong Abu Sayyaf.
Ayon kay Senator-elect Panfilo Lacson, nasa kamay na ng susunod na administrasyon ni President-elect Rodrigo Duterte ang bola upang seryosohin ang kampanya laban sa ASG.
Kung ang pagbabatayan anya ay karanasan at mga pahayag ay hindi maikakailang sa ilalim ng Duterte administration ang tamang panahon upang tapusin ang maubos ng tuluyan ang mga bandido.
Ipinaliwanag ni Lacson na dating PNP Chief, kailangan lamang ng mahusay na intelligence work upang eksaktong matukoy ang kinaroroonan ng mga target upang maiwasan ang government at civilian casualty.
Magugunitang pinugutan ng ASG ang ikalawang Canadian hostage na si Robert Hall nang mabigong magbigay ng ransom ang pamilya nito.
By Drew Nacino | Cely Bueno (Patrol 19)
