Ikinasa na ng mga kumpanya ng langis ang kanilang dagdag – bawas sa mga produktong petrolyo ngayong araw.
Kinse sentimos (P0.15) ang ipatutupad na rollback sa kada litro ng gasolina habang P0.15 din ang itataas naman sa presyo ng kada litro ng diesel.
Ala-6:00 kaninang umaga, inilarga ng mga kumpanyang Shell, Petron, Seaoil, Phoenix Petroleum at PTT Philippines ang kanilang oil price adjustment.
Una nang nagpatupad ang mga kumpanyang Eastern Petroleum at Flying V ng kahalintulad na price adjustment kaninang alas-12:01 ng madaling araw.
Ngunit sa kabila nito, wala namang ipinatupad na paggalaw sa presyo ng kerosene ang mga kumpaniya ng langis.
By Jaymark Dagala
