Blangko ang Malacañang sa napaulat na pagtungo ng Pangulong Benigno Aquino III sa central headquarters ng Iglesia ni Cristo sa Quezon City.
Lumabas sa twitter account ng INC ang video ng convoy pangulo patungo ng INC headquarters.
Ayon kay Presidential Communications Secretary Herminio Coloma, maglalabas sila ng statement hinggil sa ulat sakaling makumpirma nya ang pagtungo ng pangulo sa INC at kung ano ang agenda ng kanyang biglaang pagbisita.
Una nang napaulat na si Davao City Mayor Rodrigo Duterte di umano ang iniendorso ng INC para sa May 9 elections.
By Len Aguirre | Aileen Taliping (Patrol 23)
