Humarap na sa kauna-unahang pagkakataon sa Senate Blue Ribbon Committee ang messenger ng Philrem Services Corporation na si Mark Palmares.
Kaugnay ito sa ika-anim na pagdinig ng senado hinggil sa 81 million dollars money laundering scandal.
Si Palmares ang itinuturong susi upang matukoy kung saan napunta ang 17 million dollars na bahagi ng perang ninakaw sa Bangladesh Central Bank.
Ayon kay Senate Blue Ribbon Chair TG Guingona, malalaman kay Palmares kung naideliver nito ang pera sa casino player na si Weikang Xu o kung ito ay nasa Philrem lamang.
Present din sa pagdinig ang may-ari ng Philrem na sina Michael at Salud Bautista maging si RCBC Jupiter Branch Manager Maia Deguito.
Matatandaang inisyuhan na ng subpoena ng senado ang messenger na si Palmares dahil sa dalawang beses nitong hindi pagsipot dahil umano sa masamang pakiramdam.
By Ralph Obina
