Pumangalawa ang Pilipinas sa mga bansang may pinakamataas na bilang ng mga babaeng may hawak na matataas na posisyon sa trabaho.
Batay ito sa survey na isinagawa ng US based audit and tax firm na Grant Thornton International.
Nangunguna sa naturang survey ang Russia habang sumunod naman sa Pilipinas o nasa ikatlong puwesto ang Lithuania.
Ayon sa survey, pinakamababa naman ang Japan na may pitong porsyento lamang ng mga kababaihan ang may hawak na matatas na posisyon sa trabaho habang mas mataas naman ng kaunti ang Germany at India na may 15 at 16 percent.
Samantala, lumalabas din sa survey na 39 na porsyento ng mga trabaho sa G-7 countries ay walang babaeng may hawak ng senior management positions.
Ito ang mga bansang Canada, Germany, Italy, France, Japan, Britain at United States.
Sa kabuuan, sinasabing tumaas ang bilang nga mga trabahong walang babaeng may hawak ng matataas na posisyon na nasa 33 percent mula sa dating 32 percent lamang.
Ang naturang survey ay isinagawa sa may 5,520 mga negosyo sa may 36 na bansa.
Ngayong araw ay ipinagdiriwang ang International Women’s Day!
By Ralph Obina
