Kasabay ng ibinigay na dagdag-sahod sa mga kawani ng pamahalaan, magiging doble na rin ang matatanggap na mid-year at year-end bonus ng mga taga-gobyerno epektibo ngayong 2016.
Nakapaloob sa nilagdaang Executive Order 201 ni Pangulong Noynoy Aquino na katumbas na ng isang buwang sahod ang matatanggap na mid-year at year-end bonus ng mga government employee.
Noon ay kalahati ng isang buwang sahod ang ibinibigay sa mga kawani tuwing Mayo 15, para magamit sa gastusin sa pasukan at bago ang katapusan ng Nobyembre pero ngayon ay dinoble na ito.
Bukod pa rito ang cash gift na ibinibigay bago sumapit ang Kapaskuhan.
By Drew Navino | Aileen Taliping (Patrol 23)
