Personal na sinalubong ni Pangulong Benigno Aquino III ang Imperial Japanese couple na sina Emperor Akihito at Empress Michiko sa Palasyo ng Malacañang kaninang umaga.
Ito’y bilang bahagi ng 5-araw state visit ng Japanese royalties sa bansa kaalinsabay ng ika-60 anibersaryo ng diplomatikong ugnayan sa pagitan ng Pilipinas at Japan.
Kasamang sumalubong ni Pangulong Aquino sa Japanese Imperial couple ang mga miyembro ng gabinete at binigyan din ng full military honors.
Ngayong hapon, tutulak naman ang Imperial couple patungo sa Libingan ng mga Bayani para bigyang pugay at parangal ang mga nasawi sa nakalipas na digmaan.
Pagkatapos nito, babalik sa Malacañang ang royal couple para sa isang state dinner na inihanda ng Pangulong Noynoy Aquino.
By Jaymark Dagala
*Photo Credit: govph
