Inilagay ng Philippine Drug Enforcement Agency o PDEA Regional Office sa areas of concern ang 6 na barangay sa Iloilo City dahil sa problema sa droga.
Partikular na tinukoy ni PDEA Regional Dir. Paul Ledesma ang Barangay Bakhaw sa Mandurriao at Barangay Desamparados sa Jaro district na siya umanong balwarte ng prevendido drug group.
Isiniwalat ni Ledesma na ilan sa mga bigtime illegal drug groups na nag-ooperate sa Iloilo ay ang Prevendido at Odicta drug syndicates na minomonitor na ng pulisya.
Sinasabing umaabot sa 15 drug pushers ang nadarakip ng mga awtoridad sa lugar kada buwan habang pumapalo naman sa 45 percent ang conviction rate ng local drug personalities at high value targets.
By Jelbert Perdez
