Bumuwelta si Liberal Party (LP) standard bearer Mar Roxas sa banat ni Davao City Mayor Rodrigo Duterte.
Ayon kay Roxas, handa siyang “magpa-sampal” kay Duterte sa oras na mapatunayan nito na peke ang kanyang tinapos na degree sa Wharton School of Economics sa Amerika.
Hinamon din ng kandidato ng LP ang alkalde na “pumunta na lamang sa Metro Manila at sampalan siya at kung hindi ay mismo siya ang pupunta sa Davao.
Bandang huli, inihayag ni Roxas na magsampalan na lang sila ni Mayor Rody kung kathang-isip lamang ang kanyang pag-graduate at sakaling hindi mapatunayan ay siya mismo ang sasampal kay Duterte.
Nag-ugat ang batuhan ng putik ng dalawa sa pahayag ng presidential candidate ng administrasyon na kathang-isip lamang ang mababang crime rate sa Davao City.
By Drew Nacino
