Aabot sa P2.349 billion ang inilaan ng Budget Amendments Review Subcommittee (BARSC) bilang karagdagang pondo para sa ilang programa ng Department of Transportation (DOTr) na walang alokasyon sa 2027 National Expenditure Program (NEP).
Kabilang dito ang P500 million para sa Service Contracting Program na nagbibigay ng ayuda sa mga driver at operator sa gitna ng mataas at pabagu-bagong presyo ng langis sa pandaigdigang merkado.
Naglaan din ang BARSC ng P1 billion para sa fuel subsidy ng transport sector matapos maubos ang dating alokasyon dahil sa krisis sa Middle East at pagtaas ng presyo ng produktong petrolyo.
Samantala, P75 million ang inilaan para sa NCR Busway Project na zero allocation din sa 2027 NEP.
Ayon sa BARSC, direktang makatutulong ang mga programang ito sa mga commuter, driver at transport operator.
Nagpaliwanag naman ang BARSC kung bakit nilimitahan ang pondo ng DOTr dahil na rin sa kakulangan ng fiscal space. | Sa panulat ni Geli Mendez
