15 buwan na hindi makapagmaneho ang dalawang driver ng mga sasakyang nakaharang at nabangga ng firetruck ng Bureau of Fire Protection na rumeresponde sa isang sunog sa Makati City.
Sa dalawang magkahiwalay na insidente, naantala ang pagresponde ng mga bombero sa isang sunog sa naturang lungsod dahil sumikip ang dinadaanan ng mga ito bunsod ng mga nasabing nakabalandrang sasakyan.
Ayon sa Land Transportation Office, sumipot ang mga sangkot na driver matapos silang hainan ng show cause order, at napatunayang lumabag sa batas-trapiko ang mga driver, partikular ang “obstruction of traffic” at “improper person to operate a motor vehicle.”
Dahil dito, isinuko ng mga driver ang mga lisensya ng mga ito, habang nananatiling nasa alarm status ang mga sasakyang sangkot. | Sa panulat ni Anjo Riñon
