Kumpiyansa si dating Senate President Manny Villar na maipapaliwanag at maipagtatanggol nila ng kanyang pamilya ang mga reklamong graft na isinampa ng Office of the Ombudsman kaugnay sa PrimeWater.
Ayon kay Villar, sa ngayon ay hindi pa nila natatanggap ang kopya ng mga reklamo kaya hindi pa nila maaaring talakayin ang alegasyon.
Anya, kapag nabigyan sila ng pagkakataong suriin ang mga alegasyon at ebidensiya, handa silang ipagtanggol ang kanilang mga karapatan at sagutin ang mga isyu laban sa kanila.
Iginiit din ni Villar na iginagalang nila ang legal na proseso at sasagutin ang mga reklamo sa tamang panahon at tamang forum. | Sa panulat ni Reianne Antiquina
