ABISO SA MGA MOTORISTA!
Isasara bukas, Setyembre 5, ang kahabaan ng Quirino Avenue at iba pang kalsada sa Parañaque City upang magbigay-daan para sa isasagawang “Procesión de Las Tres Coronadas” mula Baclaran Church hanggang Parañaque Cathedral.
Ayon sa Parañaque City Tourism Office at Diocese of Parañaque, isasara bukas ang Redemptorist Road at ang Quirino Avenue mula Taft Avenue Extension hanggang Kabihasnan Road sa Barangay San Dionisio simula 01:00 ng hapon.
Dahil dito, nanawagan ang lokal na pamahalaan ng Parañaque sa mga motorista na iwasan ang pagdaan sa mga nasabing kalsada.—sa panulat ni Anjo Riñon
