Tiniyak ng Malakanyang na patuloy na pinag-aaralan ng Department of Finance ang proposed PROGRESS Bill o Promoting Growth, Revenue, and Equity Towards Socio-Economic Sustainability Bill na magpapalawak ng income tax exemption para sa mga kumikita ng hanggang 350-thousand pesos kada taon.
Ayon kay Palace Press Officer Claire Castro, nais ni Pangulong Ferdinand Marcos Jr. na maipasa agad ang panukala ngayong 2026.
Sa ilalim naman ng panukalang Minimum Corporate Income Tax Exemption, hindi na pagbabayarin ng MCIT ang mga micro enterprise na may gross sales na mas mababa sa tatlong milyong piso at small enterprise na may gross sales na nasa pagitan ng tatlong milyong piso at dalawampung milyong piso.
Tinatayang aabot sa 26.60 bilyong piso ang magiging epekto nito sa kita ng pamahalaan sa susunod na apat na taon.
Bunsod nito, sinabi ni Usec. Castro na pinag-aaralan din ng pamahalaan ang dagdag-buwis sa luxury goods, sugary drinks, single-use plastics at vape bilang kapalit ng mga ibabawas na buwis. l mula sa panulat ni Reianne Antiquina
