Inaresto ng Philippine National Police ang limampu’t isang raliyista kasabay ng ikalimang State of the Nation Address ni Pangulong Ferdinand Marcos Junior, kahapon.
Ayon kay PNP Chief General Jose Melencio Nartatez Jr., karamihan sa mga naaresto ay nahuling nagva-vandal sa mga pampublikong pasilidad sa Commonwealth Avenue, Quezon City at nagsuot ng “balaclava” sa pagtitipon.
Nahaharap anya ang mga naaresto sa mga paglabag sa Republic Act 9003 o Ecological Solid Waste Management Act, Presidential Decree 880 o Public Assembly Act, at iba pang lokal na ordinansa.
Nilinaw ng hepe ng pulisya na isinagawa ang pag-aresto matapos lumabag ang mga naturang raliyista sa mga itinakdang patakaran sa isinagawang protesta. | mula sa panulat ni Jordan Gutierrez
