Iginiit ni Senate President Sherwin Gatchalian na maaaring dulot ng patuloy na pagtaas ng presyo ng mga bilihin ang pagbaba ng satisfaction at approval ratings ni Pangulong Ferdinand Marcos Jr.
Ayon kay SP Gatchalian, mas ramdam ng publiko ang epekto ng pagtaas ng gastusin kaysa sa usaping pulitika.
Anya, direktang nakaaapekto sa mga mamamayan ang pagtaas ng presyo ng gasolina at enerhiya kaya dapat itong pagtuunan ng pansin ng administrasyong Marcos.
Samantala, binanggit din ng senador ang paghina ng ekonomiya, dahil sa pagbaba ng gastusin ng pamahalaan sa imprastraktura kasunod ng mga isyu sa katiwalian.
Aniya, kailangang pabilisin muli ang mga proyekto ngunit may kasamang reporma upang maiwasan ang pag-uulit ng mga anomalya.
Inaasahan ni SP Gatchalian na maghahain si Pangulong Marcos ng mga hakbang para sa reporma sa kanyang nalalapit na State of the Nation Address.—sa panulat ni Reabelle Medina
