Nagluluksa ang Department of Education sa pagpanaw ng isang Grade 3 student mula sa Lapu-Lapu Elementary School sa Davao City.
Ayon sa DepEd, nagpaabot sila ng pakikiramay sa pamilya ng bata at tiniyak na nakikipag-ugnayan ito sa mga kinauukulan upang mabigyan ng kaukulang suporta ang naiwang pamilya ng biktima.
Batay sa unang imbestigasyon, sinabi ng pulisya na nagkaroon ng alitan ang dalawang mag-aaral bago naganap ang insidente.
Samantala, tiniyak ng DepEd na ipatutupad nila ang nararapat na child protection at administrative procedures habang iginagalang ang karapatan ng lahat ng sangkot.
Naglaan na rin ng psychosocial support para sa mga apektadong mag-aaral at kawani, kasabay ng panawagan sa publiko na iwasan ang pagpapakalat ng hindi beripikadong impormasyon habang nagpapatuloy ang imbestigasyon.
Matatandaang nasawi ang walong taong gulang na batang babae matapos umanong hampasin ng kaklaseng may hawak na notebook sa ulo noong July 17.—sa panulat ni Reabelle Medina
