Pinuri ng House Prosecution Panel ang naging paninindigan ng Senate Impeachment Court sa pagpapanatili ng independence nito at pagtupad sa itinakdang tungkulin sa ilalim ng Konstitusyon.
Ayon kay House Prosecutor at Mamamayang Liberal Party-list Rep. Leila de Lima, mahalagang hakbang ang pagpayag ng impeachment court sa kahilingan ng prosekusyon na ipa-subpoena ang bank at tax records ni Vice President Sara Duterte at ng kanyang asawang si Atty. Manases Carpio.
Sinabi ni De Lima, maituturing na isang malaking tagumpay para sa katotohanan at para sa taumbayan, na aniya’y may karapatang makita at masuri ang mga ebidensyang ihaharap sa impeachment proceedings.
Bukod sa Senate Impeachment Court, nagbigay-pugay din si De Lima, kay House Prosecutor at Akbayan Party-list Rep. Chel Diokno dahil sa malinaw at mahusay nitong paglalahad ng posisyon ng House Prosecution na hindi dapat hadlangan ang paglalabas ng mahahalagang ebidensya kaugnay ng sinasabing tunay na yaman ng Bise Presidente. | via Geli Mendez/DWIZ Patrol
