Isang kakaibang proyekto ng mga estudyante sa Veritas College of Irosin ang umani ng papuri matapos nilang ipagkaloob ang kabaong na gawa sa kawayan sa isang pamilyang kapos sa buhay.
Ang bamboo coffin ay bahagi ng feasibility study ng mga mag-aaral ng BS Business Administration major in Financial Management at pinamagatang “From Nature to Rest: Bamboo Coffin.”
Dahil sa makabuluhang layunin nito, kinilala ang proyekto bilang Best Feasibility Study.
Ayon kay Francia Fortes, layunin ng kanilang grupo na makagawa ng mas abot-kayang at environment-friendly na alternatibo sa mga tradisyonal na kabaong.
