Nagsumite ng counter-affidavit si Nico Waje kaugnay ng reklamong acts of lasciviousness na isinampa ng dati niyang katrabaho na si Athena Imperial.
Ayon sa kanyang abogado, handa si Waje na sagutin ang mga paratang at naninindigan na wala siyang kasalanan.
Sinabi rin ng kampo ni Waje na nakahain na ang kaso para sa resolusyon ng piskalya, na maaaring abutin ng hanggang 60 araw bago maglabas ng desisyon.
Giit ng depensa, wala umanong itinatago si Waje at tiwala sila sa magiging resulta ng imbestigasyon. Samantala, hinihintay pa rin ang subpoena kaugnay ng isa pang reklamong isinampa laban sa kanya.
