Magpapakalat ang National Capital Region Police Office ng kabuuang 12,414 personnel at force multipliers sa Metro Manila para sa paggunita ng ika-128 anibersaryo ng Araw ng Kalayaan sa Biyernes, Hunyo 12.
Ayon sa Philippine National Police (PNP), babantayan ng mga ito ang seguridad sa Rizal Park, ruta ng Parada ng Kalayaan, Andres Bonifacio Monument, Mausoleo de los Veteranos de la Revolucion, at Pinaglabanan Memorial Shrine.
Bukod dito, sinabi ng PNP mayroon ding dagdag na deployment sa paligid ng Malacañang Palace, malapit sa United States Embassy, at iba pang strategic locations.
