Hinamon ni National Bureau of Investigation Director Melvin Matibag si Senador Alan Peter Cayetano na magtuos sila sa pagdinig ng Senate Blue Ribbon Committee sa Lunes, Hunyo a-ocho. Ito’y matapos siyang makatanggap ng paanyaya mula sa bagong chairman ng komite na si Senador Erwin Tulfo.
Ayon kay Matibag, kinikilala pa rin niya si Cayetano bilang isang senador, kaya kung nais nitong makaharap siya at tanungin, mainam para sa senador na dumalo sa pagdinig.
Naunang hinamon ni Cayetano si Matibag na dumalo sa pagdinig ng kanyang komite at maglatag ng ebidensya tungkol sa natanggap na impormasyon ng NBI na sinuhulan ng limang milyong piso ang bawat isa sa labingwalong nagpakilalang dating military personnel upang tumestigo bilang mga “bagman” ni dating Congressman Zaldy Co.
Gayunman, marami ang nagdududa sa otoridad ni Cayetano at ng kanyang koalisyon matapos nagdeklara ng quorum ang labindalawa sa mga senador at ginawang Senate President Pro Tempore si Sherwin Gatchalian. — sa panulat ni Anjo Riñon
