Kinumpirma ng Department of Labor and Employment-Region 3 na nagkaroon na ng kaso noong September 2025 ang kumpanyang nangangasiwa sa konstruksyon ng gumuhong hotel sa Barangay Balibago sa Angeles City, Pampanga.
Ayon kay DOLE-Region 3 Director Geraldine Panlilio, Golden Years Construction and Steelworks, may kaugnayan ang kaso sa pagpapatupad ng occupational safety standards para sa mga manggagawa.
Gayunman, inalis na anya ang stoppage order noong Oktubre matapos tumalima ang kumpanya sa requirements ng DOLE.
Patuloy namang sinusuri ng mga otoridad ang iba pang posibleng pananagutan kaugnay ng trahedya sa construction site.—sa panulat ni Anjo Riñon
