Iginiit ng second congressional commission on education o Edcom 2 na mas nakasasama kaysa nakabubuti ang “mass promotion” o otomatikong pagpasa sa mga estudyante kahit hindi sapat ang kanilang kahandaan.
Ayon sa Edcom 2, dapat tuluyan nang wakasan ang ganitong polisiya dahil lalo lamang nito ng itinatago ang kakulangan sa kaalaman at kasanayan ng mga mag-aaral.
Batay sa kanilang report, nagreresulta ang mass promotion sa mga nagtapos na hindi handa sa mas mataas na antas ng pag-aaral o sa pagpasok sa trabaho.
Lumalabas anila ang kakulangan sa pundasyong kaalaman kapag humaharap na ang mga estudyante sa mas komplikadong aralin o sa actual na hanapbuhay.
