VACC tiwalang susuportahan ng mga mambabatas ang inihaing impeachment vs CJ Sereno
Kumpiyansa ang VACC o Volunteers Against Crime and Corruption na makakukuha ng suporta mula sa mga mambabatas ang inihain nilang impeachment laban kay Supreme Court Chief Justice Maria Lourdes Sereno.
Gayunman, tumanggi muna si VACC Founding Chairman Dante Jimenez na magbigay ng pangalan ng mga mambabatas na mag i-endorso sa kanilang inihaing reklamo.
Pagtitiyak pa ni Jimenez, matibay ang mga hawak nilang ebidensya laban kay Sereno lalo pa’t pinagbigyan sila ng High Tribunal na makahingi ng kopya ng mga kinakailangan nilang dokumento.
Magugunitang nag-ugat ang reklamo ng VACC laban kay Sereno dahil sa mga kuwesyunableng kautusang ipinalabas nito na hindi isinangguni sa iba pang mga mahistrado bilang collegial body ang Supreme Court.
