Naniniwala si dating Senate President Franklin Drilon na dapat nang buwagin ang Independent Commission for Infrastructure.
Ito’y kasunod ng pagbibitiw sa pwesto nina dating Public Works Secretary Rogelio “Babes” Singson at Rossana Fajardo bilang commissioner ng ICI.
Ipinunto ni Drilon ang hindi pagtatalaga ni Pangulong Ferdinand Marcos Jr. ng mga bagong commissioner ng ICI kaya tila nakatakda na itong mabuwag.
Bukod sa ICI, tinukoy ng dating Senate president ang mga ahensyang may hurisdiksyon at maaaring magpatuloy sa imbestigasyon ng maanomalyang flood control projects.
