“Ito ang merriest time of the year pero ito rin ang pinakadelikadong time”
Ito ang ibinabala ng health advocate na si Dr. Tony Leachon sa gitna ng nalalapit na Pasko at Bagong Taon, kung saan karaniwang dumarami ang kaso ng holiday heart syndrome sa bansa.
Kabilang sa tinukoy ni Dr. Leachon na sanhi ng holiday heart syndrome ay ang labis na pagkain, partikular na ng maaalat, matatamis, at matatabang pagkain.
Ibinabala ni Dr. Leachon na posibleng biglang magkaroon ng holiday heart syndrome kahit na walang nararamdamang sintomas.
Ipinaalala naman ni Dr. Leachon ang mga maaaring paunang lunas sakaling makaramdam ng pagtaas ng presyon.—sa panulat ni John Riz Calata
