Naniniwala si dating Integrated Bar of the Philippines national president, Atty. Domingo Cayosa, na pamumulitika lamang ang mga alegasyon ni Senador Imee Marcos laban sa kapatid nitong si Pangulong Ferdinand Marcos Junior.
Ayon kay Atty. Cayosa, walang ligal na epekto ang akusasyon ng senador na nagdo-droga si Pangulong Marcos dahil walang sapat na ebidensya at pawang inililihis lamang sa tunay na isyu na katiwalian sa pamahalaan.
Ipinaliwanag din ng constitutional law expert na posible pa rin namang masampahan ng impeachment complaint ang pangulo, pero kailangan ng matibay na pruweba dahil maraming butas sa mga alegasyon ng presidential sister.
Pinuna rin ni Atty. Coyosa ang mga paratang ni dating Congressman Zaldy Co kaugnay sa sinasabing 100-billion peso insertions ni Pangulong Marcos sa 2025 national budget, dahil sa kakulangan ng matibay na ebidensya at kahinaan ng kredibilidad.
