Dapat na ring ipatawag sa susunod na Senate Blue Ribbon Committee hearing hinggil sa flood control scandal si dating Congressman Mike Defensor.
Ito ang hirit ni Senate Deputy Minority Leader Rodante Marcoleta, na dating chairman ng naturang kumite, upang mabigyang-linaw kung ano ang papel ni Defensor sa isyu.
Marami aniyang dapat sagutin si Defensor gaya ng tunay nitong layunin sa pagpapakilala sa kanya kay Guteza.
Maliban dito, kinuwestyon din ng senador ang kabiguang ipatawag sa pagdinig ang mga personalidad na tinukoy ni Guteza sa kanyang affidavit.
