Patuloy na pinalalakas ng pamahalaan ang 4Ps o Pantawid Pamilyang Pilipino Program para marami pang Pilipino ang matulungang itaguyod ang kanilang mga pamilya.
Ayon kay Pangulong Ferdinand Marcos Jr., sa ilalim ng kanyang administrasyon, walang maiiwang pamilya kaya’t pursigido ang pamahalaan na umalalay sa sektor ng edukasyon, kalusugan at pagbibigay ng anumang oportunidad sa mga Pilipino.
Kabilang ito sa isinagawang aktibidad sa Malacañang kasabay ng pagtatapos ng National Family Congress 2025 na may temang ‘Pamilyang Pantawid: Iba’t ibang kulay ng pag-unlad at pag-asa.’—sa panulat ni Mark Terrence Molave
