Pinag-aaralan pa ng Office of the President kung kayang hugutin sa pondo nito ang gagamiting budget ng binuong Independent Commission for Infrastructure.
Ito’y ayon kay Budget Sec. Amenah Pangandaman, kasabay ng pagsasabing hindi na magre-request ng karagdagang budget ang O.P. sa Department of Budget and Management.
Sinabi ni Sec. Pangandaman na maaaring hugutin ang pondo ng I.C.I. sa contingent fund para sa maintenance and other operating expenses, at capital outlays.
Dagdag pa ng kalihim, tinatayang nasa 21 million pesos ang kakailanganing budget para sa personal services ngunit hindi pa anya nakukwenta ang M.O.O.E. at capitals outlays dahil kailangan pang hintayin na magkaroon ng executive director ang komisyon.
—sa panulat ni John Riz Calata
