Target ng Department of Health na tuluyang makamit ang “zero dengue-related death” sa pagsapit ng 2030.
Ito ayon mismo kay Health Secretary Teodoro Herbosa ay kasabay ng babala hinggil sa patuloy na lumolobong kaso ng dengue sa bansa.
Aniya tinututukan na ng DOH ang paggamit ng wolbachia method na ginagamit sa Indonesia, kung saan nilalagyan ng bacteria ang mga lamok para pigilan ang pagdami nito.
Magugunitang pumalo sa 59% o kabuuang 23,000 ang kaso ng dengue sa bansa mula enero hanggang hunyo ngayong taon; kung saan 470 katao sa mga naturang kaso ang namatay.
Pinag-aaralan na rin ng ahensya ang qdenga vaccine na ginagamit na sa apatnapung bansa.
Paglilinaw naman ng kalihim na hindi ito para sa mass immunization kundi para sa paggamit lamang sa mga ospital.
Sinegundahan naman ng Philippine Medical Association, na ang bakuna ang susi para tuluyang mapigilan ang pagdami ng bilang ng mga namamatay dahil sa dengue.
