Hindi nakikita ni Pangulong Ferdinand Marcos Jr. na kailangang ituloy ang fuel subsidy sa bansa.
Ayon kay Pangulong Marcos, kung talagang tataas ang presyo ng langis sa pandaigdigang pamilihan ay saka lamang pagaganahin ang subsidiya sa langis.
Dahil bumaba naman kahapon sa 69 dollars per barrel ang presyo ng langis mula sa unang pagsirit nito sa 79 dollars per barrel, hindi pa nababahala ang pangulo.
Itinakda naman ng pamahalaan ang 80 dollars per barrel na presyo ng langis bilang benchmark upang magpatupad ng fuel subsidy para sa mga apektadong sektor.
