Nilinaw ng Metropolitan Manila Development Authority o MMDA na hindi nila iisyuhan ng citation ticket ang mga motoristang magbibigay daan sa mga emergency vehicles gaya ng ambulansya, truck at bombero.
Ito ay kasunod ng nag-viral sa social media kung saan hindi pinaraan ng ilang motorista ang isang ambulansya dahil sa pangambang matiketan sa ilalim ng No Contact Apprehension Program.
Ayon sa MMDA, sasailalim ang mga larawang kuha ng CCTV sa manual review alinsunod sa proseso ng NCAP.
—sa panulat ni Jasper Barleta
