Kinalampag ng mga biktima ng war on drugs campaign ng na nakaraang administrasyon ang Department of Justice na magkaroon ng hiwalay imbestigasyon sa naganap na extrajudicial killings.
Umaasa ang mga biktima na hindi lamang matatapos sa pagkakaaresto kay dating Pangulong Rodrigo Duterte ang dapat paggulong ng hustisya, kundi managot din ang iba pang opisyal na nagpatupad ng anti-drug war.
Partikular na rito sina Senator Ronald Dela Rosa na dating hepe ng Philippine National Police at dating PNP Chief Oscar Albayalde.
Bagama’t aminado ang mga ito na matagal ang proseso ng paglilitis ng para International Criminal Court, naniniwala silang isang malaking hakbang ang pagkakahuli sa dating pangulo makamit ang katarungan para sa kanilang mga mahal sa buhay.
Sa ngayon, wala pang inilalabas na arrest warrant ang ICC laban kina Senator Dela Rosa at Albayalde.—sa panulat ni Laica Cuevas
